PLÁSTICA 1º

PULPO

Hoxe imos facer un polbo, que como sabedes é un animal invertebrado e ideal por se queredes seguir a iniciativa de poñer debuxos e manualidades nas xanelas.
Podedes facelo como queirades, eu douvos simplemente a idea. Os materiais seguro que os tedes en casa, pero se non tedes por exemplo, os ollos móbiles, podedes pintalos.


MATERIAIS:
- Cartolina ou papel
- Tesoiras
- Pegamento
- Ollos móbiles (opcional)


PASOS:
1. Debuxa e recorta un gran círculo (podes axudarche cun prato ou calquera obxecto redondo)
2. Logo, corta 8 tiras longas e pégaas ao círculo pola parte de atrás
3. Podes pasar as tesoiras pechadas por cada tira para que se enrosquen (se non podedes pedide axuda aos papás e mamás)
4. E por último, pega os ollos móbiles ou píntaos


Cando o fixerades, pedide de novo axuda e mandádeme unha foto ao meu correo para ver o bonitos que vos quedaron patridune4@gmail.con

PLÁSTICA 3º

O último día de clase, estivemos a facer a lámina dunha vidreira da catedral de Estrasburgo, e como moitos de vós xa a acabastes, ou non tedes os libros en casa, hoxe imos comezar a seguinte, a cal vos poño eu a foto para que poidades imprimila.

Imos facer UNHA PAISAXE CON GLOBOS

Con esta lámina imos traballar a profundidade. Tedes que comezar os debuxos por esquemas sinxelos de formas xeométricas para despois centrarvos nos detalles que queirades poñer e no fondo. Lembrade o que vimos en clase durante o curso, e máis neste debuxo que é moi importante: os obxectos máis próximos son máis grandes e ven máis nítidos, máis definidos, e os máis afastados máis pequenos e ven máis borrosos. Para facer o debuxo podedes utilizar os materiais que queirades: ceras, rotuladores,... Cando o fagades pedide axuda aos papás e as mamás e mandádesme unha foto antes do luns que vén ao meu correo, e así volo corrixo. patridune4@gmail.com

PLÁSTICA 5º

A semana pasada estabamos a facer os mobles dunha habitación.

Lembrade que o deseño dos mobles e a decoración da habitación é moi libre, mesmo agora que estades na casa, podedes recortar fotografía de revistas ou catálogos e pegalos, PERO É MOI IMPORTANTE QUE HAIA UNHA PROPORCIÓN ENTRE TODOS OS ELEMENTOS QUE FORMAN O CONXUNTO.

Para dar sensación de profundidade, lembrade que uns mobles deben ser máis pequenos que outros; os máis grandes serán os máis próximos ao espectador, e a medida que ocupan un lugar máis afastado, máis pequenos. Como supoño que algúns e algunhas non vos levastes o libro de plástica, déixovos a imaxe dunha habitación para que poidades imprimila e que lle poñades mobles, cadros, alfombras,..., e todo o que queirades.

Se tedes algunha dúbida, poñervos en contacto comigo a través do mail que aparece na páxina.

Debedes mandarme a esa mesma dirección de correo unha foto da lámina feita para corrixila antes do luns que vén.

Lémbrovos a dirección do meu correo patridune4@gmail.com

HORARIOS TRABAJOS

Bos días!!!
Como hoxe xa é luns comezamos a traballar. Cada día, e seguindo o horario de clases que temos, vou ir colgando as tarefas para realizar, ademais de xogos e vídeos novos.